Ladki Bahin List महाराष्ट्र सरकारकडून महिलांच्या आर्थिक सक्षमीकरणासाठी सुरू केलेली लाडकी बहीण योजना ही राज्यातील सर्वात महत्त्वाची योजना ठरली आहे. या योजनेअंतर्गत पात्र महिलांना दरमहा १५०० रुपये थेट त्यांच्या बँक खात्यात जमा केले जातात. आता जुलै आणि ऑगस्ट २०२५ या दोन महिन्यांची लाभार्थी यादी जाहीर करण्यात आली असून, अर्ज केलेल्या महिलांनी आपले नाव यादीत आहे का हे तपासणे गरजेचे आहे.
ऑनलाइन पद्धतीने यादी तपासण्याची प्रक्रिया
१. सर्वप्रथम ladakibahin.maharashtra.gov.in या अधिकृत संकेतस्थळाला भेट द्या.
२. ‘Beneficiary List’ हा पर्याय निवडा.
३. तुमचा आधार क्रमांक किंवा अर्ज क्रमांक टाका.
४. जिल्हा, तालुका आणि गाव निवडा.
५. ‘शोधा’ बटणावर क्लिक केल्यानंतर पात्र असल्यास तुमचे नाव दिसेल.
मोबाइल अॅपद्वारे लाभार्थी यादी तपासा
Google Play Store वर उपलब्ध असलेले नारी शक्ती दूत अॅप डाउनलोड करा.
अॅप उघडल्यानंतर ‘लाभार्थी अर्जदारांची यादी’ या पर्यायावर क्लिक करून आधार क्रमांक किंवा अर्ज क्रमांक भरून स्थिती पाहा.
ऑफलाइन पद्धतीने नाव तपासण्याची सोय
ऑनलाइन किंवा अॅप वापरणे अवघड असल्यास, तुमच्या जवळच्या ग्रामपंचायत, अंगणवाडी केंद्र किंवा सेतू सुविधा केंद्रात जाऊन लाभार्थी स्टेटस तपासता येईल. त्यासाठी तुमचा आधार क्रमांक किंवा अर्ज क्रमांक सोबत घेऊन जाणे आवश्यक आहे.
जर नाव यादीत नसेल तर काय करावे?
जर तुमचे नाव जाहीर यादीत दिसत नसेल, तर प्रथम तुमच्या अर्जात काही त्रुटी आहेत का ते तपासा. चुकीच्या माहितीमुळे नाव वगळले गेले असल्यास त्रुटी दुरुस्त करून पुन्हा अर्ज करता येतो. यासाठी अंगणवाडी सेविका किंवा सेतू केंद्राशी संपर्क साधावा. जर चुकीच्या कारणामुळे अर्ज नाकारला गेला असे वाटत असेल, तर हरकत नोंदविण्यासाठी संबंधित नियंत्रण कक्षाशी संपर्क करावा.
